10 yaşda ərə verildi, 13 yaşda ana oldu, 14 yaşda dul qaldı 

 22 yanvar 2014

"Həyətdə oynayırdım. Anam çağırdı və dedi ki, elçilər gəlmişdi, onlara "Hə" deyib. Ərə verilmişdim. Həyatım məhv olmuşdu. 10 yaşda ərə verildim. 13 yaşım olanda hamilə oldum, 14 yaşımda isə artıq dul idim".

38 yaşlı Alemstaye Qebrekidan Efiopiyada yaşayırdı. O, 10 yaşı olanda 16 yaşındakı yeniyetməyə ərə verilmişdi.

Efiopiyadakı vətəndaş müharibəsində döyüşlərdən birində əri həlak olan A.Qebrekidan o vaxt artıq 2 yaşlı oğul anası idi. Çünki Alemstaye 13 yaşda hamilə qalmışdı.

A.Qebrekidan indi Londonda yaşayır və dünyanın müxtəlif ölkələrində yetkinlik yaşına çatmamış şəxslərin erkən nikahlarına qarşı mübarizə aparan beynəlxalq təşkilatda çalışır.